Powered By: Reymark O. Granada

WELCOME TO MY SITE

Welcome dinner, gi andam sa Bohol Provincial Govt alang ASEAN delegates,mga resorts business as usual

Posted By: Reymark Granada   on: April 20, 2017 | 12:25 PM  No Comments

 Cebu City– Usa ka welcome dinner ug fellowship night ang giandam sa lokal nga kagamhanan sa probinsya sa Bohol alang sa mga delegado sa  ASEAN meeting nga nagsugod na karong adlawa sa Hennan Resort Panglao, Bohol. Sa pakighinabi sa Bombo Radyo ngadto ni Bohol Governor Edgar Chatto, gibutyag ni ini nga ang maong diiner ug fellowship night ang ipahigayon sa South Palms Resort nga sakop gihapon sa isla sa Panglao. Matu pa ni Chatto nga andam na ang 73 ka mga protocol Officers nga gi-train pa mismo sa Foreign Affairs Training Institute ubos sa Department of Foreign Affairs. Ang maong mga protocol officers ang residente ra usab sa probinsya sa Bohol maong gawas sa pag-atiman sa mga pakinahanglan sa mga delegado sila usab ang mamahimong tour guides sa mga delegado sa ilang pagsuroy suroy sa mga nagkadaiyang tourist destinations sa probinsya.Gisiguro usab sa goberrnador sa Probinsya sa Bohol nga dili magmahay ang National Organizing Committee sa ASEAN sa pagpili sa Bohol isip usa sa mga venue sa mga meetings ni ini. Samtang, business as usual gihapon ang mga resorts nga gipahigayunan sa mga meetings sa ASEAN ingon man usab mga resorts nga gipuy-an sa mga delegado. Giklaro usab ni Chatto nga lahi nga unit sa kapulisan ug kasundaluhan ang nagbanatay sa mga delegado ug lahi usab ang unit nga nagpahigayon og mga follow up opeartions aron masikop ang mga nakaikyas nga mga miembro sa Abu Sayyaf sa Bohol. Tungud ni ini gihimug-atan sa mgobernador nga dili angayan nga mabalaka ang mga delegado sa ilang seguridad kay dili man matunga ang atensyon sa mga kapulisan nga nagbantay kanila.

Quarry operations sa Brgy. Sto. Niño sa Butuan City, gipahunong tungod sa boundary conflict

3 ka sakop sa AFP nga nasikop tungod sa illegal gambling.       

CEBU CITY - Gipasakaan na og kaso nga paglapas sa PD 1602 o illegal gambling ug section 12 sa RA 9165 o Comprehensive Dangerous Drug Act of 2002 ang 3 ka sakop sa Armed Forces of the Philippines (AFP) Central Command sila  Corporal Edril  Bayles, Joar Acuba Rojas-Francisco ug George Gutierrez nga nakadestino sa AFP-CENTCOM ang mga  naka-detain usab karon sa Guadalupe Police Station holding cell. Mahinumduman nga kagahapon sa buntag adunay concerned citizen nga mitawag sa Guadalupe Police Station sa cebu city Police Office nga adunay 3 ka mga lalaki mga nagsabasaba samtang nagduwa og cara y cruz. Sa dihang gikapkapan sa mga pulis ang giingong mga sundalo narekober sa ilang posisyon ang nagkalain-laing klase sa drug paraphernalia ug 3 ka coins nga gigamit sa giingong illegal nga sugal. Gihimug-atan usab sa 3 ka sundalo nga lingaw2x lang ang ilang gihimo.

Mister naghikog tungod sa selos

GENERAL SANTOS CITY –Selos ang gitudlong rason nganong nahimo sa usa ka mister nga kutluon ang iyang kinabuhi pinaagi sa paghikog. Dili makatuo ang misis ni  Rey Caniete, 27 anyos, negosyante ug isda, residente sa Prk Kulasi, Brgy Labangal sa dakbayan, nga mahimo niini nga maghikog sulod mismo sa ilang panimalay. Kahibaluan nga una ang insidente, may natigayon matud pang grabeng panaglalis sa biktima ug ang iyang misis tungod sa selos. Human sa away, nag-inom matud pa ang biktima dayon misulod sa ilang lawak. Ug nadiskubrehan na lamang sa amahan niini nga nagbitay na ang nasampit gamit ang nylon. Gisulayan pa ug luwas ang biktima apan nakabsan gihapon sa kinabuhi. Samtang, human ang gihimong pagsusi sa patay’ng lawas sa biktima, gikumpirma nga walay foul play sa pagkamatay niini. Kasamtangang nagpabilin sa lokal nga punerarya ang patay’ng lawas sa nasampit nga mister.

Driver sa Kotse nga nakabangga sa motorsiklo nga miresulta sa pagkamatay sa habal-habal driver ug pasahero niini, kasuhan na

GENERAL SANTOS CITY – Nagpabilin sa kustodiya sa Traffic Management Unit ang driver sa kotse nga nakabangga sa motorsiklo nga miresulta sa pagkamatay sa habal-habal driver ug pasahero niini kaniadtong Sabado sa buntag.   Gilaumang ning adlawa kasuhan ang nahisgutan nga giilang si Billy Yuson nga taga Tambler sa dakbayan. Kahibaluan nga ang mga namatay nga biktima giilang silang Roger Rallos, taga Marayat, Puting Bato, Calumpang ug ang backrider niini nga si Rosenda Rola, 54 anyos residente usab sa maong lugar. Kahibaluan nga paspas kaayo ang pagpadagan sa kotse paingon sa direksyon sa Makar dihang kalit mibuto ang atubang nga ligid hinungdan nga iyang gidaro ang nakatagbo nga motorsiklo. Gumikan sa kakusog sa pagbangga nalabay ang duha ka biktima ug diha-diha nakabsan sa kinabuhi samtang gidala sa hospital si Rola apan gideklara usab nga dead on arrival. Padayong giimbestigahan sa mga otoridad ang naasoy’ng aksidente.

Mga mag-uuma dili pa tugtan nga makabalik sa ilang kabalayan human sa gubat

Davao City - Wala pa gitugutan karon sa tropa sa kasundalohan nga mobalik sa ilang tagsa-tagsa mga kang pinuy-anan ang gatusan ka mga mihikilin niining milabay nga adlaw sa Sitio Mahayahay, barangay Alegre human ang nahitabong bakbakan sa lugat tali militar ug rebeldeng NPA. Sa usa ka joint press conference sa 1002nd Brigade, 73rd IB ug 39th IB  sa Sangguniang Bayan Hall sa lalawigan, gibutyag ni Lieutenant Colonel Thyne Bañas nga magpabilin una sa evacuation center ang mga apekdadong pamilya aro n dili mabutang sa tisgo ang kinabuhi sa mga nahisgutan. Nagpadayon pa sab sumala pa ang ilang clearing operation sa lugar aron lamang masiguro nga walay gibilin nga improvised explosive device ayha misibat ang mga rebelde. Pipila sa mga residente ang naapektohan ang ilang umahan gumikan kay wala na nila kini naatiman sukad pa niining milabay nga adlaw. Una na sab nga gibutyag ni Mayor Quilin Sarte, nga anaa na lamang sa kasundalohan ang desisyon kung kanus-a pabalikon ang anaa sa kapin 300 ka mga bakwit. Samtang gitino ni LT. Col. Harold Argamosa, commander sa 39th IB philippine Army, nga walay natalang samdon sa tropa sa gobyerno human ang nahisgutan nga bakbakan ug gani nakarekober pa sila ug M16 riffle, landmine ug uban pa sa encounter site. Namatikdan sab ang mga lama sa dugo hinungdan nga posibleng adunay samaron sa bahin sa mga rebelde.

Recent Videos

16 views - 0 comments
17 views - 1 comment
5 views - 0 comments